Zjarri pranë Belicës vazhdon, mbi 60 persona në terren për ta frenuar

Zjarri pranë fshatit Belicë, në komunën e Makedonski Brodit, vijon të jetë aktiv. Mbi 60 persona nga Shkupi dhe Makedonski Brodi, përfshirë ekipet e NP „Jasen“ dhe Drejtorisë për Mbrojtje dhe Shpëtim, po luftojnë me flakët.

Sipas drejtorit të DMSH-së, Stojançe Angelov, fshati nuk është i rrezikuar pasi zjarri ndodhet larg zonës së banuar.

Ekipet po përdorin pajisje për shuarje dhe po hapin breza kundër zjarrit për të parandaluar përhapjen e flakëve drejt pyjeve me pisha.

Ndërkohë, në gjithë vendin janë evidentuar 12 zjarre, prej të cilëve 5 aktive, 5 nën kontroll dhe 2 të shuar.

Shpresat për përmirësimin e situatës lidhen edhe me reshjet e paralajmëruara, veçanërisht në rajonin e Kërçovës dhe zonat malore të veriperëndimit.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.