Светски познатата легенда Ентони Гоберт на трките со мотоцикли „е во завршна фаза од својот живот“

Светски познатата легенда на трките со мотоцикли „е во завршна фаза од својот живот“ и добива нега во болница.

Изјавата на семејството на поранешниот професионален тркач Ентони „The Go Show“ Гоберт откри дека тој е на палијативна нега во болницата во Голд Коуст.

Гоберт, кој стана најмладиот возач кој победил на светската супербајк трка, е хоспитализиран.

Во соопштението објавено во средата преку Фејсбук се вели: „Со тага мораме да објавиме дека Ентони моментално е хоспитализиран на палијативна нега и е во завршна фаза од својот живот по кратко боледување. Меѓутоа, во име на Ентони, мораме да им се заблагодариме на неговите многубројни поддржувачи од неговата тркачка кариера“, се вели во објавата.

Гоберт (48) се натпреваруваше помеѓу 1994 и 2006 година во Австралија, Англија, Австрија и САД.

Едно од неговите најзначајни достигнувања дојде во 1994 година, кога победи во последниот дел од сезоната на SWC на Филип Ајленд, Австралија.

Со таа победа стана најмладиот победник на трки во историјата на Светскиот Супербајк, со само 19 години во тоа време. Тој рекорд го собори Јуичи Такеда (18) во 1996 година.

Гобер долго време се бореше со злоупотреба на дрога и алкохол.