Несреќа во Хрватска: Мајка со 2,24 промили ги возела двете деца и удрила во трактор

Во Бабина Греда, Хрватска, се случила сообраќајна незгода која ја предизвикала пијана жена која во моментот управувала возило со две мали деца во автомобилот.

Во сообраќајката е повредено едно дете, соопшти полицијата, а пренесува Даница.хр.

– Возачката (34) од Бабина Греда со алкохол во крвта од 2,24 промили управувала патнички автомобил со жупаниски регистарски таблички. Поради несоодветна брзина возилото удрило во трактор со приколка непрописно паркирана на коловозот, соопшти полицијата.

Како што додава полицијата, на задното седиште во автомобилот имало две деца кои не биле на сигурносни седишта, ниту пак имале врзани појаси.