(Видео) Украински напад со беспилотни летала на Русија: нападната е и Москва, има и жртви

Украина синоќа изврши масовен напад со беспилотни летала на неколку руски региони, меѓу кои Брјанск, Москва, Тула, Калуга, Белгород, Курск, Орел, Воронеж, како и во регионот Краснодарски крај.

Гувернерот на Московската област, Андреј Воробјов, изјави дека едно момче (9) е убиено, а уште тројца цивили се повредени во напад со беспилотно летало во градот Раменскоје, град што се наоѓа на 46 километри југоисточно од Москва.

Украина сѐ уште не го коментира нападот.

BREAKING: A nine-year-old child was killed during a drone attack on a residential building in Ramenskoye, Moscow region of Russia.

In total, 14 drones were shot down in the urban districts of Podolsk, Ramenskoye, Lyubertsy, Domodedovo, and Kolomna.

Governor Vorobyov… pic.twitter.com/95cI3tcdCD

— TabZ (@TabZLIVE) September 10, 2024

Видеата од експлозиите што се слушнаа над областа Брјан беа објавени од локалните жители на социјалните мрежи половина час по полноќ по локално време. Гувернерот Александар Богомаз тврди дека противвоздушната одбрана соборила 59 украински беспилотни летала во текот на ноќта.

Подоцна во ноќта, градоначалникот на Москва, Сергеј Собјанин, исто така тврдеше дека повеќе од десет беспилотни летала биле соборени над Московската област на пат кон главниот град.

Собјанин извести дека итните служби го гаснат пожарот на 11. и 12. кат од станбена зграда. Остатоци од дрон беа пронајдени и во близина на меѓународниот аеродром „Жуковски“, на речиси 36 километри југоисточно од центарот на Москва.

Повеќе од 30 меѓународни и домашни летови, кои требаше да полетаат меѓу полноќ и 7 часот по локално време, беа одложени на аеродромот „Внуково“ поради нападот. Аеродромот „Домодедово“ во Московскиот регион беше затворен во раните утрински часови.

Два беспилотни летала наводно биле соборени во областа Тула, а остатоци паднале на енергетски објект. Според извештаите на руските државни медиуми, нема повредени или прекини во снабдувањето.

Во последните месеци украинските сили ги засилија нападите врз цели на руска територија со цел да ги оштетат руската нафтена индустрија и објектите што ги користат Русите за воени цели.

Во текот на ноќта на 1 септември десетици беспилотни летала нападнаа неколку руски региони, а руското Министерство за одбрана тврди дека соборило 158 беспилотни летала, потсетуваат во своите написи светските медиуми./Извор:Makfax