При претрес на „бмв“ на Табановце пронајдена поголема сума пари, 35-годишник предаден на царинската служба

Вчера попладне во 14 часот на ГП Табановце, на влез во државата, извршена е контрола на 35-годишниот Ј.В. од Радовиш кој управувал патничко возило „БМВ“ со шведски национални ознаки, извести МВР.

– При преглед и претрес на лицето и возилото биле пронајдени поголема сума пари во девизи повеќе од пријавеното, соопшти МВР.

Ј.В. е предаден на царинската служба за понатамошна постапка и ќе се соочи со соодветен поднесок.