300 kilogramë kokainë të fshehura mes bananeve sekuestrohen në Gjermani, pas informacioneve nga policia e Maqedonisë dhe DEA?

Mbi 300 kilogramë kokainë janë sekuestruar në Gjermani, falë shkëmbimit të shpejtë të informacioneve ndërmjet Departamentit të Policisë Kriminalistike të Ministrisë së Punëve të Brendshme të Maqedonisë së Veriut dhe Agjencisë Amerikane për Luftën kundër Drogës (DEA).

Sipas informacioneve jozyrtare, droga ishte fshehur në një kontejner me banane, i cili nga Ekuadori kishte mbërritur në një port në Holandë dhe më pas ishte transportuar drejt Gjermanisë.

Pas shkëmbimit të informacioneve ndërmjet policisë së Maqedonisë dhe DEA-s amerikane, policia gjermane ka zbuluar ngarkesën e dyshimtë dhe ka sekuestruar mbi 300 kilogramë kokainë.

Ky operacion dëshmon rolin e bashkëpunimit ndërkombëtar dhe shkëmbimit të informacioneve ndërmjet shërbimeve policore në luftën kundër trafikimit të drogës.

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.