4 të arrestuar pas dy rrahjeve në Shkup – një 66-vjeçar u sulmua me send të fortë

Katër persona janë arrestuar pas dy incidenteve të ndara të dhunës fizike që kanë ndodhur në lagjet Karposh dhe Qendër të Shkupit.
Rasti i parë është regjistruar më 7 nëntor, rreth orës 22:30, pranë një kazinoje në Karposh. Policia ka arrestuar tre persona, të moshës 35, 29 dhe 32 vjeç, të dyshuar se kanë sulmuar fizikisht një 66-vjeçar. Sipas denoncimit, njëri prej tyre ka tentuar ta godasë edhe me një send të fortë.
Incidenti i dytë është regjistruar më 8 nëntor, në orën 06:10, në Qendër të Shkupit. Policia ka arrestuar një 40-vjeçar, i cili dyshohet se së bashku me disa persona të tjerë ka sulmuar fizikisht një 40-vjeçar tjetër.
Nga SPB Shkup bëjnë të ditur se po ndërmerren masa për zbardhjen e plotë të të dy rasteve.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.