6 policë në procedurë disiplinore, MPB-ja paralajmëron suspendimin pas përdorimit të tepruar të forcës

Ministria e Punëve të Brendshme (MPB) ka konfirmuar parregullsi në veprimet e policisë gjatë incidentit të 7 tetorit 2026, ku dyshohet se është përdorur forcë e tepruar fizike dhe janë shkaktuar lëndime trupore.

Pas shqyrtimit të incizimeve, kontrolleve të kryera dhe deklaratave të dëshmitarëve, ndaj gjashtë zyrtarëve policorë do të iniciohet procedurë disiplinore, ndërsa është paralajmëruar edhe suspendimi i tyre nga puna.

Departamenti i Kontrollit të Brendshëm në kuadër të MPB-së ka konstatuar një sërë parregullsish gjatë ndërhyrjes policore.

Ndërkohë, për denoncimet penale të paraqitura pranë institucioneve kompetente, prokuroritë kanë lëshuar urdhra për ekspertiza, të cilat janë në proces. Pas kompletimit të provave, pritet të dorëzohen parashtresat përkatëse.

Hetimet për rastin vijojnë, ndërsa procedurat e mëtejshme pritet të përcaktojnë përgjegjësinë e zyrtarëve të përfshirë.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.