Kryeministri Hristijan Mickoski paralajmëroi se kompania shtetërore ESM do të ofrojë energji elektrike me të njëjtin çmim si vitin e kaluar, me qëllim shmangien e shtrenjtimit të rrymës për qytetarët.
Sipas tij, situata në tregjet evropiane është shqetësuese, pasi çmimi i energjisë elektrike arrin deri në 500 euro për megavat-orë, ndërsa ai i gazit ka tejkaluar 90 euro.
Sa i përket ngrohjes qendrore, Mickoski pranoi se ekziston kërkesë për rritje të konsiderueshme të çmimit, por theksoi se Qeveria do të përpiqet ta kufizojë shtrenjtimin në një nivel të përballueshëm për qytetarët.
Ai shtoi se mbrojtja e standardit jetësor mbetet prioritet i Qeverisë.
Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.
