Abdixhiku mbetet pa fjalë nga pritja në Piranë të Prizrenit: Po i jepni shpirtë e mbështetje fitores sonë të madhe

Kandidati për kryeministër nga Lidhja Demokratike e Kosovës (LDK), Lumir Abdixhiku, është pritur me entuziazëm nga mbështetësit në fshatin Piranë të Prizrenit.

Në një postim në rrjetet sociale, Abdixhiku falënderoi simpatizantët duke thënë se “po i jepni shpirtë e mbështetje fitores sonë të madhe.”

“Kështu na pritén në fshatin Piranë të Prizrenit! Pa fjalë! Ju faleminderit nga zemra që po i jepni shpirtë e mbështetje fitores sonë të madhe. Fitore, asgjë më pak! Të lumtë Xhavit; të lumtë Driton! Kandidatëve suksese!” – tha Abdixhiku.