Açikgöz: Stresi dhe presioni ndikojnë në performancën e punëtorëve, shëndeti mendor duhet të jetë prioritet

Aeroporti Ndërkombëtar i Prishtinës ka organizuar një konferencë kushtuar sigurisë dhe shëndetit mendor të punëtorëve në Kosovë, duke vënë në pah rëndësinë e mirëqenies psikologjike në ambientin e punës.

Gjatë konferencës, drejtori ekzekutiv i Aeroportit Ndërkombëtar të Prishtinës, Gökhan Açikgöz, ka theksuar se stresi dhe presioni i vazhdueshëm mund të ndikojnë drejtpërdrejt në performancën e punëtorëve.

Ai ka nënvizuar nevojën që shëndetit mendor t’i kushtohet vëmendje e veçantë, duke e konsideruar atë një element të rëndësishëm për krijimin e një ambienti të sigurt dhe të shëndetshëm pune.
Sipas Açikgöz, përveç masave për garantimin e sigurisë fizike, institucionet dhe punëdhënësit duhet të angazhohen edhe për mbrojtjen e mirëqenies psikologjike të punonjësve.

“Stresi dhe presioni ndikojnë në performancën e punëtorëve, rëndësi e veçantë duhet t’i kushtohet shëndetit mendor në punë”, ka deklaruar Açikgöz.
Konferenca ka vënë në pah rëndësinë e trajtimit të shëndetit mendor si pjesë të pandashme të sigurisë në vendin e punës, si dhe nevojën për krijimin e kushteve që ndikojnë pozitivisht në mirëqenien dhe efikasitetin e punëtorëve. /ORAinfo/

Pjesë nga fjalimi i drejtori ekzekutiv i Aeroportit Ndërkombëtar të Prishtinës, Gökhan Açikgö

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.