Aksident i rëndë në rrugën Ohër-Resnjë, dy persona pësojnë lëndime të rënda

Një aksident i rëndë trafiku ka ndodhur më 19 shtator në rrugën magjistrale Ohër-Resnjë, në afërsi të fshatit Opanicë.

Sipas SPB Ohër, në aksident janë përfshirë një “Suzuki Vitara” me targa të Shkupit, i drejtuar nga një 67-vjeçar nga Britania e Madhe, dhe një “Opel” me targa të Manastirit, i drejtuar nga një 28-vjeçar nga fshati Bukovë.

Dy bashkudhëtarë në automjetin “Opel” kanë pësuar lëndime të rënda trupore, ndërsa drejtuesi i “Suzuki Vitarës” dhe dy bashkudhëtare në “Opel” kanë pësuar lëndime trupore.

Të lënduarit janë dërguar për trajtim në institucionet shëndetësore në Ohër, ndërsa me urdhër të prokurorit publik, ekip hetimor i SPB Ohër ka kryer këqyrjen e vendit të aksidentit.

Flaka

The post Aksident i rëndë në rrugën Ohër-Resnjë, dy persona pësojnë lëndime të rënda appeared first on Flaka, në çdo lajm... .

Burimi i lajmit: flaka.com.mk
Shënim: Ky material është përpunuar për qëllime informimi nga Portali lajme.mk.