Aksident tragjik pranë Leskovcit, humb jetën një shtetas i Maqedonisë

Një shtetas i Maqedonisë së Veriut ka humbur jetën në një aksident të rëndë trafiku që ndodhi gjatë natës në autostradën pranë Leskovcit në Serbi, njofton 4news.mk.

Sipas policisë në Leskovc, aksidenti ndodhi rreth orës 01:50 pas mesnate, kur kamioni që drejtonte viktima u përmbys dhe më pas u përfshi nga flakët.

Në vendngjarje mbërritën menjëherë ekipet e zjarrfikësve dhe të shpëtimit, të cilat ndërhynë për shuarjen e zjarrit dhe kontrollin e automjetit.

Pas lokalizimit të flakëve, zjarrfikësit gjetën trupin e pajetë të shoferit brenda kabinës së kamionit.

Ende nuk dihen shkaqet dhe rrethanat e aksidentit, ndërsa autoritetet po punojnë për zbardhjen e plotë të rastit.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.