Arkin Jahiji kandidati i BDI-së për Bërvenicën në zgjedhjet e 18 tetorit

Bashkimi Demokratik për Integrim (BDI) ka zyrtarizuar Arkin Jahijin si kandidat për kryetar të Komunës së Bërvenicës në zgjedhjet e jashtëzakonshme lokale që do të mbahen më 18 tetor 2026.

Zgjedhjet e jashtëzakonshme u shpallën pas ndarjes nga jeta të kryetarit të deritanishëm të komunës, Ivica Ilievski.

Nga BDI-ja thonë se me kandidaturën e Jahijit synojnë të ofrojnë një qasje të re në drejtimin e komunës, me fokus te zhvillimi, administrata lokale, investimet dhe trajtimi i barabartë i banorëve.

Në prezantimin e kandidaturës, BDI e përshkruan Jahijin si një kandidat që përfaqëson, sipas tyre, përgjegjësi dhe vizion për zhvillimin e Bërvenicës.

Partia thekson se synimi është që administrata të jetë më pranë qytetarëve, të realizohen investime konkrete dhe të krijohen mundësi të barabarta për të gjitha vendbanimet e komunës.

“Arkin Jahiji do të jetë zëri i çdo qytetari dhe partner i secilit që dëshiron të kontribuojë për zhvillimin dhe mirëqenien e komunës”, thuhet në njoftimin e BDI-së.

Me zyrtarizimin e Jahijit, gara për drejtimin e Bërvenicës hyn në një fazë të re, ndërsa partitë pritet të bëjnë publike edhe kandidaturat dhe programet e tyre për zgjedhjet e 18 tetorit.

The post Arkin Jahiji kandidati i BDI-së për Bërvenicën në zgjedhjet e 18 tetorit appeared first on Flaka, në çdo lajm... .

Burimi i lajmit: flaka.com.mk
Shënim: Ky material është përpunuar për qëllime informimi nga Portali lajme.mk.