Bekim Sali nuk mori pjesë në takimin Mickoski–Vuçiq në Nju Jork

Zëvendëskryeministri i parë, Bekim Sali, nuk ka marrë pjesë në takimin bilateral mes kryeministrit të Maqedonisë së Veriut, Hristijan Mickoski, dhe presidentit serb, Aleksandar Vuçiq, në Nju Jork.

Disa media në gjuhën shqipe mungesën e tij e kanë vlerësuar si bojkot, por deri tani Sali nuk ka dhënë një deklaratë publike për arsyet e mungesës.

Mickoski dhe Vuçiq u takuan në margjinat e Asamblesë së Përgjithshme të Kombeve të Bashkuara.

Mungesa e Salit ka tërhequr vëmendje edhe për shkak të qëndrimeve të tij të fundit lidhur me Kosovën. Pas aktgjykimit të Dhomave të Specializuara në Hagë, më 16 shtator, Sali shprehu publikisht mbështetje për ish-krerët e Ushtrisë Çlirimtare të Kosovës dhe tha se pret që vendimi të rishqyrtohet në procedurën e ankesës. (Vestimak.mi

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.