Besnik Tahiri: Aleanca e përkrah PDK’në në ndryshimin e Ligjit për Gjykatën Speciale

Deputeti i Aleancës për Ardhmërinë e Kosovës, Besnik Tahiri, ka deklaruar sot pas mbledhjes së Kryesisë së Aleancës se partia e tij do të mbështesë çdo iniciativë që, sipas tij, i shërben drejtësisë.

Tahiri tha se Aleanca do të mbështesë çdo veprim që do të ndihmojë në funksionimin e institucioneve dhe drejtësisë.

Ai gjithashtu bëri të ditur se Aleanca ka kërkuar që në takim të trajtohet nevoja që Kuvendi i Kosovës të konstituohet sa më shpejt.

“Çdo iniciativë e cila do të ndihmojë drejtësinë, Aleanca do ta mbështesë. Kemi kërkuar që në takim të diskutohet që sa më shpejt të konstituohet Kuvendi”, tha Tahiri.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.