“Blindohet” Kumanova me kamera: “Safe City” zgjerohet në lokacione të reja

Kumanova së shpejti do të ketë më shumë kamera të sistemit “Safe City”, të cilat do të evidentojnë shkeljet në komunikacion.

Komandanti i Stacionit Policor të Kumanovës, Tomislav Dodevski, tha se kamerat aktuale nuk janë të mjaftueshme dhe se zgjerimi i sistemit bëhet edhe pas kërkesave të qytetarëve.

Sipas tij, përveç bulevardit “Revolucioni i Tetorit” dhe lokalitetit “Tabakana”, pritet që kamera të reja të vendosen edhe në disa lokacione të tjera në qytet.

Në Kumanovë, shqiptimi i gjobave përmes kamerave të sistemit “Safe City” ka nisur në shkurt të këtij viti. Kamera aktualisht ka edhe në hyrje-daljet e qytetit dhe në pjesë të rrugëve rajonale.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.