Brenda 20 minutash vidhen miliarda nga Binance, grabitja më e madhe në historinë e kriptove

Mbi 6.3 miliardë dollarë në kriptovaluta dyshohet se janë vjedhur nga Binance, një prej platformave më të mëdha në botë për tregtimin e aseteve digjitale.

Një ekspert i industrisë e ka cilësuar incidentin si “grabitjen më të madhe bankare në historinë njerëzore”.

Sipas kompanisë së analizimit të blockchain, TRM Labs, pas sulmit dyshohet se qëndron grupi i hakerëve koreano-veriorë TraderTraitor, i cili thuhet se e realizoi vjedhjen brenda vetëm 20 minutash.

Pas incidentit, Binance pezulloi përkohësisht depozitimet dhe tërheqjet, duke deklaruar se fondet e përdoruesve janë të sigurta dhe se çdo humbje do të mbulohet nga kompania.

Mbi 3 miliardë dollarë në asete digjitale janë ngrirë, ndërsa rreth 2.4 miliardë dollarë në Bitcoin dhe Ether dyshohet se vazhdojnë të jenë nën kontrollin e sulmuesve.

Sulmi shkaktoi reagime në tregun e kriptovalutave, me Bitcoin që pësoi rënie prej rreth 5% brenda 24 orëve, duke zbritur në afërsisht 77 mijë dollarë.

Ekspertët paralajmërojnë se incidenti nxjerr në pah dobësitë serioze të sigurisë edhe në platformat më të mëdha të kriptovalutave.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.