Deri në 40 gradë sot, pasdite mundësi për reshje dhe bubullima

Deri në 40 gradë sot, pasdite mundësi për reshje dhe bubullima
Moti sot do të jetë me diell dhe shumë i nxehtë, me vranësira të pakta deri mesatare në nivel lokal. Do të fryjë erë e dobët deri mesatare nga drejtimi verior, ndërsa përgjatë rajonit të Vardarit herë pas here do të përforcohet dhe do të arrijë shpejtësi deri në 40 kilometra në orë.

Në orët e pasdites, veçanërisht në pjesët veriore të vendit, pritet zhvillim lokal i motit të paqëndrueshëm, me reshje të shkurtra dhe të rrëmbyeshme shiu, si dhe bubullima të rralla.

Temperaturat e mëngjesit do të lëvizin nga 12 deri në 20 gradë Celsius, ndërsa gjatë ditës do të arrijnë nga 33 deri në 40 gradë.

Në Shkup, moti do të jetë me diell dhe shumë i nxehtë, me vranësira të pakta deri mesatare dhe erë të dobët deri mesatare nga veriu.

Temperatura minimale në Shkup do të jetë 18 gradë, ndërsa ajo maksimale do të arrijë deri në 39 gradë Celsius.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.