Drejtonte makinën i dehur, arrestohet 38-vjeçari nga Gostivari

Një 38-vjeçar nga Gostivari është privuar nga liria në Tetovë, pasi është kapur duke drejtuar automjetin nën ndikimin e alkoolit.

Sipas njoftimit të policisë, rasti ka ndodhur më 21 tetor, në orën 01:40, në rrugën „Nikolla Teslla“ në Tetovë. Gjatë kontrollit të trafikut, policia ka ndaluar një veturë „Renault Megane“ me targa të Gostivarit, të cilën e drejtonte 38-vjeçari.

Pas testimit, është konstatuar se ai kishte 1,69 promilë alkool në gjak.

Pas dokumentimit të plotë të rastit, ndaj tij do të pasojë parashtresa përkatëse.

Flaka

The post Drejtonte makinën i dehur, arrestohet 38-vjeçari nga Gostivari appeared first on Flaka, në çdo lajm... .

Burimi i lajmit: flaka.com.mk
Shënim: Ky material është përpunuar për qëllime informimi nga Portali lajme.mk.