E pazakontë në Shkup: pela pjell në mes të rrugës

Një skenë e pazakontë ka ndodhur në lagjen Karposh të Shkupit, ku një pelë ka pjellë një mëz në mes të rrugës.

Fotografia e publikuar në rrjetet sociale tregon mëzin e sapolindur pranë nënës së tij, vetëm pak çaste pas lindjes. Pamja ka tërhequr vëmendjen e qytetarëve dhe ka shkaktuar reagime të shumta në rrjetet sociale.

Nuk dihet ende se kush është pronari i pelës dhe mëzit, ndërsa nuk ka informacion zyrtar se si kafshët kanë përfunduar në rrugët e Karposhit.

Qytetarët presin që shërbimet kompetente komunale dhe veterinare të reagojnë për të siguruar kafshët dhe për të garantuar sigurinë e tyre, por edhe të pjesëmarrësve në komunikacion. (INA)

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.