Endrit Thaçi: E turpshme të kemi qeveri që godet mbi veteranë e fëmijë dëshmorësh, pabesi që s’harrohet

Djali i ish-presidentit Hashim Thaçi, Endrit Thaçi, ka komentuar ngjarjet e mbrëmshme gjatë protestës para Kuvendit ku u kërkua votimi në lexim të dytë i Ligjit për Gjykatën Speciale.

Thaçi i përshkroi si “të turpshme” veprimet e policisë ndaj protestuesve, duke akuzuar Qeverinë.

“Në kohërat më të vështira, i gjithë populli ishte me UÇK. Është e turpshme se sot kur jetojmë në liri që e solli UÇK, të kemi një qeveri që godet mbi veteranë, mbi fëmijë dëshmorësh. Pabesi që kurrë nuk do të harrohet”.

Po ashtu, Endrit Thaçi bëri thirrje për të dalë në protestën e sotme, e cila u paralajmërua nga ora 12:00.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.