Erëra të forta në Maqedoninë e Veriut, temperaturat deri në 20 gradë

Maqedonia e Veriut do të ketë mot me diell dhe vranësira të lehta deri në mesatare, ndërsa në disa zona priten erëra të forta nga drejtimi veriperëndimor.

Sipas Drejtorisë për Punë Hidrometeorologjike, era përgjatë lumit Vardar do të kalojë shpejtësinë prej 60 kilometrash në orë. Temperaturat minimale do të lëvizin nga 0 deri në 9 gradë Celsius, ndërsa maksimalet nga 12 deri në 20 gradë.

Në Shkup, temperatura minimale do të jetë 6 gradë, ndërsa maksimalja do të arrijë në 15 gradë Celsius.

Në ditët në vijim pritet mot i ndryshueshëm, kryesisht i qëndrueshëm, me përjashtim të së premtes, kur parashikohen reshje të lehta lokale. Në malet më të larta, reshjet do të jenë në formë bore.

Flaka

The post Erëra të forta në Maqedoninë e Veriut, temperaturat deri në 20 gradë appeared first on Flaka, në çdo lajm... .

Burimi i lajmit: flaka.com.mk
Shënim: Ky material është përpunuar për qëllime informimi nga Portali lajme.mk.