‘Fundjavët e zgjatura’ mund të marrin fund, Oda Ekonomike kërkon maksimumi 13 ditë pushim

Oda Ekonomike kërkon ndryshime të reja në rregullimin e festave dhe ditëve jopune në Maqedoninë e Veriut, me synimin që numri i tyre të kufizohet në maksimum 13 ditë në vit.

Një nga propozimet kryesore është që të mos ketë më praktikë të “bashkimit” të festave me fundjavën. Sipas Odës, numri i madh i ditëve jopune ndikon në procesin e punës, produktivitetin dhe funksionimin e kompanive.

Përfaqësuesit e biznesit kërkojnë një model më të parashikueshëm, i cili, sipas tyre, do të krijonte kushte më të mira për organizimin e punës dhe do të zvogëlonte humbjet për ekonominë.
Propozimet pritet të diskutohen me institucionet kompetente para se të vendoset nëse do të ketë ndryshime në kalendarin dhe mënyrën e shënimit të festave.

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.