Goditje për xhepat: Ushqimet në Maqedoni +46% në pesë vjet!

Çmimet e ushqimeve dhe pijeve joalkoolike në Maqedoninë e Veriut janë rritur ndjeshëm gjatë pesë viteve të fundit. Nga gushti i vitit 2021 deri në gusht 2026, ushqimet janë shtrenjtuar për 46 për qind.

Në të njëjtën periudhë, paga minimale është rritur për rreth 74 për qind, ndërsa paga mesatare bruto në korrik 2026 arriti në 72.935 denarë, nga 42.776 denarë në të njëjtin muaj të vitit 2021.

Sipas të dhënave statistikore, kjo nënkupton se një pagë minimale sot mund të blejë rreth 19 për qind më shumë ushqime sesa pesë vite më parë. Megjithatë, ekspertët theksojnë se vetëm krahasimi i përqindjeve nuk jep pasqyrë të plotë për standardin real të jetesës.

Në krahasim me Bashkimin Evropian, Maqedonia e Veriut ka pasur rritje më të madhe të çmimeve të ushqimeve. Në BE, rritja mesatare gjatë kësaj periudhe ishte rreth 34 për qind, ose 12 pikë përqindjeje më pak se në vend.

Shtrenjtimi është ndikuar nga rritja e kostove të energjisë, transportit, plehrave dhe çrregullimet në tregjet ndërkombëtare.

Pra, edhe pse pagat janë rritur më shpejt se çmimet e ushqimeve, fatura e shportës familjare mbetet dukshëm më e lartë se pesë vite më parë.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.