Haxhiu e shpall të konstituar Kuvendin e Kosovës, pa nënkryetarin e PDK-së

Kryetare e Kuvendit të Kosovës, Albulena Haxhiu, e ka konstatuar të konstituuar legjislaturën e XI të Kuvendit të Kosovës, pasi janë zgjedhur nënkryetarët nga radhët e LDK-së, të komunitetit serb dhe komuniteteve joshumicë joserbe.

Në këtë seancë Haxhiu tha se përkundër thirrjeve të sërishme që Partia Demokratike e Kosovës të marrë pjesë në seancë dhe atë për herë të tretë, deputetët e kësaj partie s’gjenden në seancë.

Ajo ka thënë se bazuar në vendimin e Gjykatës Kushtetuese askush s’mund ta mbajë të bllokuar konstituimin.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.