Hidhet bombë në një shtëpi në Bardovc të Shkupit

Nga shpërthimi janë dëmtuar shkallët, porta dhe vetura

Një mjet shpërthyes është hedhur në drejtim të një shtëpie në Bardovc të Shkupit dhe ka shkaktuar dëme materiale.

Sipas njoftimit të policisë, më 16.08.2026, rreth orës 02:35, K.B. (70) nga Shkupi ka raportuar se në fshatin Bardovc, në zonën e Shkupit, në drejtim të shtëpisë së tij është hedhur një objekt, i cili ka shkaktuar shpërthim dhe ka dëmtuar shkallët e hyrjes së shtëpisë.

Nga shpërthimi është thyer një dritare, është dëmtuar një veturë, porta e oborrit, si dhe pjesë të tjera të pronës.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.