Hyrje me forcë në një stacion teknik në Çair, vidhet pajisja e kamerave

Një rast i vjedhjes është raportuar në orët e para të mëngjesit në zonën e Çairit në Shkup, ku persona të panjohur kanë hyrë me forcë në një objekt që përfshin një stacion për kontroll teknik.

Sipas SPB Shkup, më 27 shtator, rreth orës 02:42, është raportuar se nga ora 15:00 e një dite më parë deri në momentin e denoncimit, është hyrë me forcë në objektin në rrugën “Aleksandar Urdarevski”.

Nga zyra e përgjegjësit është marrë pajisja regjistruese e sistemit të video-mbikëqyrjes.

Policia ka konstatuar gjithashtu se me forcë është hyrë edhe në një filial banke dhe në një zyrë të MPB-së që ndodhen në të njëjtin objekt, por prej tyre nuk është marrë asgjë.

Është kryer këqyrje në vendngjarje, ndërsa policia po ndërmerr masa për zbardhjen e plotë të rastit dhe identifikimin e autorëve.

Flaka

The post Hyrje me forcë në një stacion teknik në Çair, vidhet pajisja e kamerave appeared first on Flaka, në çdo lajm... .

Burimi i lajmit: flaka.com.mk
Shënim: Ky material është përpunuar për qëllime informimi nga Portali lajme.mk.