I siguruan uniformat, sot mbahet ceremonia e diplomimit të gjeneratës së 63-të të Policisë së Kosovës

Policia e Kosovës ka njoftuar zyrtarisht se do të organizojë gjatë ditës së sotme ceremoninë e Diplomimit të Gjeneratës së 63-të të Policisë së Kosovës.

Ceremonia do të mbahet në sallën “1 Tetori” në Prishtinë nga ora 16:30.

Sipas njoftimit, këtë ceremoni pritet që nga afër ta ndjekin personalitete të larta shtetërore, përfaqësues të institucioneve dhe menaxhmenti i lartë i Policisë së Kosovës.

Ceremonia fillimisht ishte paraparë të mbahej më 30 tetor, por që kishte dështuar në mungesë të uniformave për ligjzbatuesit e rinj.

Njoftimit:

FTESË PËR MEDIA

Policia e Kosovës ju njofton se me rastin e Diplomimit të Gjeneratës së 63-të të Policisë së Kosovës do të mbajë ceremoninë e diplomimit në sallën “1 Tetori” në Prishtinë. Këtë ceremoni pritet që nga afër ta ndjekin personalitete të larta shtetërore, përfaqësues të institucioneve dhe menaxhmenti i lartë i Policisë së Kosovës.

Ceremonia do të mbahet më datën 6 nëntor 2026, nga ora 16:30.

Data: 06.11.2026 (ditë e premte)

Koha: Nga 16:30

Vendi : Salla 1 Tetori – Prishtinë

Me këtë rast Policia e Kosovës njofton se të gjitha mediat janë të mirëseardhura në pasqyrimin e kësaj ceremonie.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.