Inspektore e AUV-së arrestohet në Shkup, dyshohet se kërkoi ryshfet

Një inspektore e Agjencisë së Ushqimit dhe Veterinarisë (AUV) është ndaluar nga policia në Shkup, në kuadër të një aksioni kundër dyshimeve për keqpërdorim të pozitës zyrtare dhe marrje ryshfeti.

Sipas informacioneve paraprake, inspektorja dyshohet se gjatë një kontrolli zyrtar ka kërkuar dokumente shtesë nga subjekti i kontrolluar dhe më pas ka kushtëzuar hartimin e një raporti pozitiv inspektues me dhënien e një shume parash.

Dyshimet janë se përmes pozitës dhe autorizimeve zyrtare, ajo ka tentuar të sigurojë përfitim personal në këmbim të një rezultati pozitiv të kontrollit.

Për momentin nuk janë bërë të ditura shuma e pretenduar e ryshfetit, identiteti i subjektit ku është kryer kontrolli, si dhe detaje të tjera mbi mënyrën e zhvillimit të aksionit.

Rasti pritet të marrë epilog procedural pas njoftimeve zyrtare të Ministrisë së Punëve të Brendshme dhe institucioneve kompetente, të cilat pritet të sqarojnë veprën për të cilën dyshohet inspektorja dhe masat e ndërmarra ndaj saj.

Vlen të theksohet se bëhet fjalë për dyshime në fazën fillestare të procedurës dhe jo për një fajësi të konstatuar me vendim gjyqësor. Gazeta Flaka

The post Inspektore e AUV-së arrestohet në Shkup, dyshohet se kërkoi ryshfet appeared first on Flaka, në çdo lajm... .

Burimi i lajmit: flaka.com.mk
Shënim: Ky material është përpunuar për qëllime informimi nga Portali lajme.mk.