Inspektorët pastrojnë Shkupin nga shitësit ilegalë, aksion te Klinika, Tregu i Gjelbër dhe Bunjakoveci

Inspektorati i Qytetit të Shkupit, në bashkëpunim me Inspektoratin Shtetëror të Tregut, Agjencinë e Ushqimit dhe Veterinarisë dhe Inspektoratin e Komunës së Qendrës, dje zhvilloi një aksion të koordinuar në disa lokacione të kryeqytetit.

Gjatë aksionit u larguan shitësit ilegalë të rrugës në afërsi të Qendrës Klinike, Tregut të Gjelbër dhe Bunjakovecit.

Nga Qyteti i Shkupit thonë se qëllimi i kontrolleve është vendosja e rendit komunal, parandalimi i tregtisë ilegale dhe mbrojtja e hapësirave publike.

„Nuk do të lejojmë uzurpimin e hapësirave publike dhe shfrytëzimin e tyre për shitje ilegale“, theksojnë nga Qyteti i Shkupit.

Autoritetet paralajmërojnë se kontrollet e koordinuara do të vazhdojnë edhe në periudhën e ardhshme.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.