Irani paralajmëron Trumpin: Nëse rifillon lufta, konflikti do të përfshijë një rajon shumë më të gjerë

Gjeneral brigade Mohammad Akraminia, zëdhënës i ushtrisë iraniane, tha të shtunën se rifillimi i luftës do të “përfshinte një zonë shumë më të gjerë” nëse presidenti i SHBA-së, Donald Trump, “ndërmerr një tjetër aventurë në rajon” përkrah Izraelit, transmeton Anadolu.

“Nëse presidenti amerikan, nën presionin dhe nxitjen e sionistëve, ndërmerr sërish një aventurë tjetër ushtarake në rajon, flakët e luftës pa dyshim do të përfshijnë një hapësirë gjeografike shumë më të gjerë”, shkroi Akraminia në platformën sociale amerikane X.

“Dhe përfundimi i konfliktit nuk do të jetë në duart e tij (Trumpit)”, paralajmëroi ai.

Duke iu referuar “historikut të presidentit amerikan për tradhtimin e diplomacisë”, Akraminia tha se ushtria iraniane po e rrit “vazhdimisht” gatishmërinë luftarake dhe po i “monitoron nga afër” lëvizjet e SHBA-së në rajon.

Deklaratat e tij vijnë në një kohë kur tensionet në Lindjen e Mesme mbeten të larta, pasi SHBA-ja dhe Izraeli nisën sulme kundër Iranit më 28 shkurt, duke shkaktuar kundërpërgjigje iraniane në rajon.

Pavarësisht përpjekjeve të mëvonshme diplomatike dhe një memorandumi të nënshkruar nga Washingtoni dhe Teherani në qershor, tensionet kanë vazhduar lidhur me marrëveshjet e sigurisë dhe lundrimin nëpër Ngushticën e Hormuzit.

The post Irani paralajmëron Trumpin: Nëse rifillon lufta, konflikti do të përfshijë një rajon shumë më të gjerë appeared first on InfoShqip.com.

Burimi i lajmit: infoshqip.com
Shënim: Ky material është përpunuar për qëllime informimi nga Portali lajme.mk.