Ja sa vota morën shqiptarët në Sanxhak, simbolike, por domethënëse?

Lista e Koalicionit Shqiptar e udhëhequr nga Shaip Kamberi siguroi gjithsej 144 vota në komunat e rajonit të Sanxhakut, ku si pjesë e saj garoi edhe aktivistja e mirënjohur Amina Nuraj , kryetare e Këshillit Nacional Shqiptar në Pazarin e Ri (Novi Pazar), përcjell INA.

Me përfshirjen e Nurajt në listë, Koalicioni Shqiptar shtriu për herë të parë përfaqësimin e tij drejtpërdrejt në territorin e Sanxhakut, i cili përbëhet nga komunat Novi Pazar (Pazari i Ri), Tutin, Sjenicë, Prijepolje, Priboj dhe Nova Varosh.

Pavarësisht se kjo zonë dominohet nga subjektet politike boshnjake, grumbullimi i 144 votave në këto komuna shënoi një precedent të rëndësishëm bashkëpunimi politik dhe elektorale mes shqiptarëve të Sanxhakut dhe atyre të Luginës së Preshevës (Preshevë, Bujanoc e Medvegjë). (INA)

The post Ja sa vota morën shqiptarët në Sanxhak, simbolike, por domethënëse? appeared first on InfoShqip.com.

Burimi i lajmit: infoshqip.com
Shënim: Ky material është përpunuar për qëllime informimi nga Portali lajme.mk.