“Keni shkelur të gjitha afatet”! Pasholli drejtuar Taravarit: Sa kohë ju duhen për ndryshimet kushtetuese dhe 20%-shin?

Deputetja e Frontit Europian, Arbana Pasholli, pyeti ministrin Arben Taravari se kur do të ndodhin ndryshimet kushtetuese, pasi siç tha, janë shkelur të gjitha afatet për të cilat janë zotuar, përcjell TV21.

“Gjatë një interviste në TV21, keni thënë se në këtë mandat qeveritar, gjuha shqipe nuk do të mbetet më “gjuha e 20%, por do të jetë e përcaktuar qartë në Kushtetutë, gjuha shqipe si gjuhë zyrtare krahas gjuhës maqedonase”, madje këtë do e bëni me ndryshimin e Kushtetutës. Ju edhe premtuat ndryshime kushtetuese, për të hapur rrugën e RMV-së drejt Unionit Europian por siç duket, nga e thëna në të bërë, ka një mal të tërë dhe fatkeqësisht, keni shkelur të gjitha afatet për të cilat vetë jeni zotuar. Sa kohë ju duhet z. Taravari pasi 6 muaj nuk ju mjaftuan, po i afrohemi gati një viti, apo ndoshta edhe 4 vite”, tha Pasholli.

The post “Keni shkelur të gjitha afatet”! Pasholli drejtuar Taravarit: Sa kohë ju duhen për ndryshimet kushtetuese dhe 20%-shin? appeared first on InfoShqip.com.