Leao i ka bërë valixhet gati, por Milan i jep lajmjn e keq

Cila është situata aktuale e Rafael Leaos? Sulmuesi i Milanit dëshiron të largohet dhe të luajë në Premierligë, por deri tani nuk ka oferta nga klubet angleze.

I vetmi klub që ka shfaqur konkretisht interesimin për të është Galatasaray, por pa e vendosur mbi tavolinë një ofertë të pranueshme për kuqezinjtë, të cilët nga ana e tyre mund të vendosin edhe ta mbajnë portugezin në skuadër.

Kërkesa është 60 milionë euro

Ideja e drejtuesve të Milanit është se Leao vlen dukshëm më shumë se 40 milionë eurot për të cilat flitej dje në Turqi.

Për këtë arsye, nevojitet një ofertë prej të paktën 50 milionë eurosh, plus 10 milionë euro bonuse.

Nuk bëhet fjalë për një shifër të vogël, duke e marrë parasysh se për portugezin do të duhej të ofrohej edhe një pagë e rëndësishme: Leao ka ende dy vite kontratë, me një pagë prej 6.5 milionë eurosh në sezon, plus bonuse.

Për ta pasur një hapje të rëndësishme në negociata, do të duhej të arrihej një shifër dyshifrore në miliona.

Situata, megjithatë, është ende në zhvillim. Dje u raportua edhe për interesimin e Juventusit, por do të ishte praktikisht e pamundur që bardhezinjtë t’ia rrisnin pagën në nivelin që e kërkon Leao, pasi tavani aktual është ai i Kenan Yildiz, prej 7 milionë eurosh në vit.

Pikërisht kjo ishte një nga arsyet që e pengoi edhe vazhdimin e kontratës së Dusan Vlahovic. Për këtë arsye, pista e Juventusit duket mjaft e vështirë për t’u realizuar.

Së fundmi në garë duket se është futur edhe Aston Villa, me ndërmjetësues menaxherin e njohur portugez, Jorge Mendes.

Një tjetër mundësi është që Ruben Amorim të përpiqet ta rikthejë Leaon në projektin e tij, pas një vere gjatë së cilës u fol shumë për largimin e portugezit. Por edhe në këtë rast, do të duheshin gjithsesi 60 milionë euro.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.