“Live me Luizin” së shpejti në Top Channel, publikohet promoja e emisionit të ri

Siç ishte paralajmëruar më herët, Luiz Ejlli pritet të rikthehet së shpejti në ekranin e Top Channel me një projekt të ri televiziv.

Televizioni ka publikuar spotin promovues të programit të tij të ri, “Live me Luizin”, duke e shoqëruar me mesazhin: “Bëhuni gati…”.

Tashmë është bërë e ditur se emisioni do të transmetohet të premten në mbrëmje. Për konceptin dhe mënyrën se si do të zhvillohet programi, Luizi kishte treguar më herët: “Do të jetë një ‘Prime Night’. Do të transmetohet një herë në javë dhe njerëzit do ta shohin e do të flasin për të çdo ditë”.

Pas publikimit të spotit, reagimet në rrjet kanë qenë të shumta. Ndjekësit dhe personazhe të njohur kanë shprehur entuziazmin e tyre për rikthimin e Luizit në ekran, ndërsa vëmendje mori edhe komenti mbështetës i bashkëshortes së tij, Kiara Tito.

Me spotin tashmë të publikuar, pritshmëritë për nisjen e “Live me Luizin” janë rritur ndjeshëm. /Telegrafi/

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.