LSDM: Çmimet në qiell, Qeveria e Mickoskit pa asnjë masë për mbrojtjen e qytetarëve

Shkup, 31 gusht 2026 – Party opozitare LSDM me akuza të ashpëra ndaj pushtetit, duke deklaruar se çmimet në Maqedoninë e Veriut prej muajsh kanë arritur majat në dyqane, tregje e markete, ndërsa standardi i jetesës së qytetarëve po bie me shpejtësi.

Sipas opozitës, shporta e konsumit ka arritur pothuajse 90.000 denarë (përfshirë qiranë), ndërsa paga mesatare është uluar për 1.163 denarë. Nga LSDM thonë se kjo gjendje është pasojë e drejtpërdrejtë e politikave të gabuara të Qeverisë së udhëhequr nga Hristijan Mickoski.

Nga kjo parti politike theksojnë disa nga faktorët kyç që po rëndojnë xhepin e qytetarëve:
Rritja e çmimeve të karburanteve: Çmimi i dizelit ka kaluar 100 denarët, ndërsa Qeveria nuk ka ndërmarrë asnjë hap për uljen e akcizave apo uljen e TVSH-së nga 18% në 5%.

Stagnimi i pagave: Nuk ka pasur rritje të pagës minimale në 600 euro dhe mungon rritja e pagave të tjera e pensioneve.

Kostoja e arsimit: Masa e njoftuar për mjete shkollore vlerësohet si joefektive. Prindërit kanë nevojë për paga më të larta për të mbuluar shpenzimet bazë të fëmijëve për ushqim, veshmbathje dhe procesin arsimor.

Në komunikatën e LSDM-së përfundohet se për pushtetin aktual prioritet janë interesat e biznesit dhe jo qytetarët, të cilët, siç thonë ata, janë lënë vetëm, me portofola dhe frigoriferë të bosh. (INA)

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.