Maroku emëron një autostradë me emrin e Donald Trump, reagon i befasuar presidenti i SHBA-ve

Maroku e ka emëruar autostradën për në Dakhla me emrin e presidentit të SHBA Donald Trump, ndërsa ky i fundit falënderoi Mbretin Mohammed VI.

“Çfarë nderi i jashtëzakonshëm! Shpresoj që një ditë të kem mundësinë të përshkoj të gjithë gjatësinë e kësaj autostrade madhështore, dhe shpresoj shumë shpejt”, shkroi presidenti amerikan në një postim në Truth Social.

Rruga prej 1,055 kilometrash është një nga projektet më të mëdha të infrastrukturës në vend dhe përfaqëson një investim total të vlerësuar midis 9 dhe 10 miliardë dirhemë (rreth 1 miliard euro).

Ajo lidh Tiznitin me Dakhla, duke kaluar nëpër Guelmim dhe Laayoune, duke hyrë kështu në territorin e Saharasë Perëndimore, të cilën Donald Trump, në fund të mandatit të tij të parë, ishte i pari që e njohu si “nën sovranitetin maroken”.