Maqedoninë e Veriut e kanë vizituar gjithsej 136.305 turistë gjatë muajit shtator të vitit 2026, të cilët kanë realizuar 264.370 bujtje, tregojnë të dhënat e Entit Shtetëror të Statistikave.
Pjesa më e madhe e vizitorëve kanë qenë të huaj. Ata përbëjnë 75,1 për qind të numrit të përgjithshëm, ndërsa turistët vendorë 24,9 për qind.
Turqit prinë bindshëm për nga numri i vizitorëve
Ndër turistët e huaj, më të shumtë kanë qenë ata nga Turqia, me 27.933 vizitorë. Në vendin e dytë renditet Serbia me 8.358 turistë, pasuar nga Gjermania me 6.633 dhe Polonia me 4.656 vizitorë.
Rritje e turizmit në nëntë muajt e parë
Në periudhën janar–shtator 2026, numri i përgjithshëm i turistëve është rritur për 3 për qind krahasuar me të njëjtën periudhë të vitit të kaluar.
Rritje prej 2,8 për qind është shënuar te turistët vendorë, ndërsa te turistët e huaj prej 3 për qind.
Edhe numri i bujtjeve ka shënuar rritje prej 3,5 për qind. Megjithatë, të dhënat tregojnë se në shtator bujtjet e turistëve të huaj kanë rënë për 2,3 për qind në krahasim me të njëjtin muaj të vitit 2025.
Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.
