MILAN NUK NDAL! Cardinale përgatit goditjen e radhës, ja çfarë po ndodh me merkaton

Qasja e Gerry Cardinale në drejtimin e Milanit vazhdon të ngjallë pikëpyetje te tifozët kuqezi, veçanërisht sa i përket mënyrës se si klubi po e menaxhon merkaton.

Pronari i Milanit ka bërë të qartë në të kaluarën se nuk synon të ndjekë modelin e Silvio Berlusconit, i cili shpenzonte shuma të mëdha parash edhe për të kënaqur kërkesat e tifozëve. Cardinale dëshiron një strategji të ndryshme: investime të menduara dhe të bazuara në logjikë.

Sipas raportimeve të Gazzetta dello Sport, situata në merkato ka kaluar nga një periudhë vendimmarrjeje të shpejtë në një tjetër fazë pritjeje. Kjo ka krijuar njëfarë konfuzioni, sidomos pas ndryshimeve të shumta në strukturën drejtuese të klubit, përcjell ORAinfo.

Milani tashmë ka shpenzuar rreth 100 milionë euro për transferimet e Mario Gila dhe Gonçalo Ramos, duke krijuar përshtypjen se merkatoja do të vijonte me të njëjtin ritëm. Megjithatë, ditët e fundit kjo dinamikë është ngadalësuar sërish.

Tifozët kanë nisur të shqetësohen, pasi skuadra e drejtuar nga Ruben Amorim ende duket se ka disa pozicione që kërkojnë përforcime.

Megjithatë, për Cardinale nuk bëhet fjalë thjesht për të blerë lojtarë. Ideja e tij është që çdo afrim të ketë një arsye konkrete dhe të përmbushë disa kritere të përcaktuara nga klubi. Në këtë strategji, madhësia e buxhetit nuk është domosdoshmërisht faktori kryesor.

Nëse një lojtar konsiderohet zgjedhja e duhur, Milani do të tentojë ta transferojë. Në të kundërt, klubi nuk dëshiron të bëjë afrime vetëm për të dhënë përshtypjen se po lëviz në merkato.

Situata mund të ndryshojë gjatë kësaj jave, kur pritet të zhvillohet një samit i rëndësishëm për merkaton, ku Cardinale dhe drejtuesit e klubit do të diskutojnë së bashku me trajnerin Ruben Amorim për nevojat e skuadrës.

Pikërisht pas këtij takimi mund të bëhet më e qartë se cilat janë objektivat e Milanit për pjesën e mbetur të merkatos dhe nëse kuqezinjtë do të rikthehen në aksion për përforcime të reja. /ORAinfo/

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.