Milani e nis me këmbën e mbarë, falë golave të Cisse dhe Rabiot

Milani e ka nisur me këmbën e mbarë sezonin e ri në Serie A, duke mposhtur Torinon në transfertë me rezultat 2-1, në kuadër të javës së parë të kampionatit italian.

Pjesa e parë u mbyll pa gola, pavarësisht disa rasteve të mira nga të dyja skuadrat. Torino ishte pranë golit me Alieu Njie, ndërsa Samuel Chukwueze rrezikoi për Milanin pas një aksioni individual.

Në pjesën e dytë, kuqezinjtë u treguan shumë më efikasë. Alphadjo Cisse zhbllokoi rezultatin në minutën e 64-të, duke përfituar nga një pasim i gjatë dhe i saktë i Adrien Rabiot për të realizuar për 0-1.

Vetëm dy minuta më vonë, Milani e dyfishoi epërsinë. Këtë herë ishte Rabiot ai që u shndërrua në realizues, duke shënuar me një goditje të bukur pas asistimit të Samuel Chukwuezes.

Torino nuk u dorëzua dhe në fund arriti të ngushtojë diferencën. Në minutën e 90+3-të, Che Adams shënoi me goditje të parë brenda zonës për 1-2.

Megjithatë, vendasit nuk patën kohë për të bërë më shumë dhe Milani e menaxhoi avantazhin deri në fund.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.