MILANI NUK DORËZOHET! 40 milionë euro për Inacion u pranuan, por një kusht i Sportingut prishi gjithçka

Milani tentoi deri në momentet e fundit të merkatos të transferonte Gonçalo Inacion nga Sporting CP, por marrëveshja nuk u realizua. Megjithatë, kuqezinjtë nuk kanë hequr dorë dhe pritet të rikthehen për mbrojtësin portugez në merkaton e janarit.

Sipas La Gazzetta dello Sport, Milani ka ndryshuar ndjeshëm strategjinë e tij të merkatos, me Gerry Cardinale tashmë më të përfshirë drejtpërdrejt në operacionet e klubit.

Drejtuesit kuqezi kanë orientuar politikën e transferimeve drejt lojtarëve të nivelit të lartë, të cilët konsiderohen të gatshëm për të dhënë menjëherë kontribut në skuadër. Ky ndryshim është reflektuar edhe në afrimet e fundit të klubit, përcjell ORAinfo.

Inacio shumë pranë Milanit

Gonçalo Inacio ishte shumë pranë transferimit te Milani gjatë 48 orëve të fundit të merkatos.

Mbrojtësi i Sportingut ka qenë prej kohësh një nga objektivat kryesorë të klubit italian, veçanërisht për shkak të lidhjes së tij me trajnerin Ruben Amorim, i cili e njeh shumë mirë portugezin dhe kishte dëshirë të ribashkohej me të.

Milani paraqiti një ofertë prej 40 milionë eurosh, e cila u pranua nga Sporting CP. Megjithatë, klubi portugez vendosi një kusht: fillimisht duhej të gjente një zëvendësues të përshtatshëm për Inacion.

Ky zëvendësues nuk u gjet brenda kohës së nevojshme dhe për këtë arsye marrëveshja dështoi.

Megjithatë, sipas raportimeve, transferimi nuk është konsideruar i mbyllur përfundimisht, por vetëm është shtyrë.

Milani do të rikthehet në janar

Pavarësisht rikthimit të Fikayo Tomorit në planet e skuadrës, Cardinale dhe drejtuesit e Milanit pritet të rikthehen në sulm për Inacion sapo të hapet merkatoja e janarit.

Portugezi mbetet një nga objektivat kryesorë për përforcimin e mbrojtjes dhe kuqezinjtë duket se janë të gatshëm të bëjnë një tjetër përpjekje për të siguruar shërbimet e tij.

Nëse Sporting CP pranon sërish të negociojë, Milani mund të tentojë ta mbyllë marrëveshjen që nuk arriti ta finalizonte në ditët e fundit të merkatos. /ORAinfo/

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.