Nagavci për lëvizjen e Kurtit: Faleminderit që e shpërfaqni madhështinë e partisë

Kryesuesja e Këshillit të Përgjithshëm të Lëvizjes Vetëvendosje, Arbërie Nagavci u “mrekullua” pasi kryetari i kësaj partie, Albin Kurti, propozoi që nënkryetari Glauk Konjufca të jetë i propozuari i dytë për mandatar për formimin e qeverisë së re.

Në mbledhjen e sotme të partisë, pas fjalës së Kurtit, ajo i tha këto fjalë:

“Faleminderit kryetar, kryeministër Kurti. Faleminderit për fjalën tuaj, për propozimin, e mbi të gjitha faleminderit që edhe një herë e shpërfaqni madhështinë dhe veçantinë e Lëvizjes, e cila si ngahera, kur është në pyetje interesi i shtetit, merr vendime të cilat janë më të drejtat e të duhurat për Republikën tonë”.