Ndalimi i lëvizjes në malet e Sharrit vazhdon deri më 30 shtator

Qëllimi është parandalimi i zjarreve. Për shkak të kushteve të pafavorshme atmosferike, temperaturave të larta dhe motit të thatë, si dhe rritjes së rrezikut për shfaqjen e zjarreve në hapësira të hapura, Ndërmarrja Publike “Parku Kombëtar Mali Sharr” e vazhdon ndalimin e lëvizjes në territorin e Parkut Kombëtar Mali Sharr deri më 30.09.2026.

Kjo masë ndërmerret me qëllim parandalimin e shfaqjes dhe përhapjes së zjarreve, mbrojtjen e natyrës dhe garantimin e sigurisë së vizitorëve.

“U bëjmë thirrje të gjithë qytetarëve, vizitorëve dhe operatorëve që ta respektojnë ndalimin dhe udhëzimet e institucioneve kompetente” thuhet në njoftim.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.