Në “Bit-Pazar” ndryshon qarkullimi: Vendkalimi do të pajiset me semafor me buton

Pas më shumë se shtatë muajsh debatesh për vendkalimin e paligjshëm të këmbësorëve në Bit-Pazar, Qyteti i Shkupit ka vendosur ta rregullojë këtë pikë duke vendosur semafor me buton dhe sinjalistikë për kalim të këmbësorëve.

Kryetari i Shkupit, Orce Gjorgjievski, tha se vendimi erdhi pas konsultimeve me qytetarët, veçanërisht me të moshuarit, të cilët kanë pasur vështirësi me alternativën e vendkalimit të mbyllur.

Për vendimin ka reaguar opozita, duke e cilësuar si tërheqje politike. Gjorgjievski e mohoi këtë, duke thënë se bëhet fjalë për respektim të vullnetit të qytetarëve.

“Nuk turpërohem dhe nuk kam frikë të bëj një hap prapa kur bëhet fjalë për vullnetin e popullit”, deklaroi ai.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.