Nga Gostivari e Struga, në majat akademike: Suksesi i Sara Shaqirit dhe Naser Veliut në Mançester

Lavdrim Veliu, prind i Naser Veliu, ka ndarë një lajm krenarie për suksesin e studentëve shqiptarë nga Maqedonia e Veriut, në Universitetin e Mançesterit.

Ai ka bërë të ditur se Sara Shaqiri është diplomuar me rezultate të klasit të parë në Gjenetikë, duke u shpallur studentja më e mirë e programit të Gjenetikës dhe duke fituar edhe Çmimin Stellify.

Ndërsa Naser Veliu është diplomuar si MSc Inxhinier i Avancuar i Sistemeve të Energjisë, me performancën më të mirë studimore në programin e tij.

Sukseset e dy të rinjve janë një tjetër dëshmi e potencialit dhe përkushtimit të studentëve shqiptarë nga Maqedonia e Veriut, të cilët po arrijnë rezultate të larta akademike dhe po përfaqësojnë me krenari vendlindjen e tyre. Gazeta Flaka

The post Nga Gostivari e Struga, në majat akademike: Suksesi i Sara Shaqirit dhe Naser Veliut në Mançester appeared first on Flaka, në çdo lajm... .

Burimi i lajmit: flaka.com.mk
Shënim: Ky material është përpunuar për qëllime informimi nga Portali lajme.mk.