Nga marsi, Shkupi lidhet direkt me Dubain

Ministri i Transportit, Aleksandar Nikoloski, njoftoi se nga marsi 2027 do të vendoset linjë direkte ajrore Dubai–Shkup, e operuar nga Flydubai.

Sipas tij, marrëveshja pritet të ndikojë në rritjen e turizmit dhe biznesit, veçanërisht gjatë periudhës jashtë sezonit veror.

Ndërkohë, po zhvillohen negociata për një tjetër linjë direkte nga Abu Dhabi ose Sharjah drejt Ohrit.

Nikoloski tha se këto marrëveshje janë rezultat i vizitës së delegacionit qeveritar në Emiratet e Bashkuara Arabe, ndërsa mes dy vendeve tashmë është vendosur edhe regjimi pa viza.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.