Nga nesër rikthehet shiu në RMV, të enjten priten reshje të dendura

Maqedonia e Veriut sot do të karakterizohet nga mot kryesisht me diell dhe i ngrohtë, me vranësira të pakta lokale. Do të fryjë erë e lehtë deri mesatare nga drejtimi juglindor, ndërsa temperaturat do të jenë tipike për një ditë pranverore.

Temperaturat minimale do të lëvizin nga 0 deri në 10 gradë Celsius, ndërsa ato maksimale do të arrijnë nga 20 deri në 26 gradë.

Në Shkup do të mbajë mot me diell, me erë të lehtë deri mesatare nga drejtimi verior. Temperatura minimale do të zbresë në 6 gradë, ndërsa ajo maksimale do të arrijë deri në 25 gradë Celsius.

Nga nesër pasdite priten reshje shiu

Sipas parashikimit të Drejtorisë për Punë Hidrometeorologjike (DPHM), nga nesër pasdite dhe gjatë ditëve në vijim moti do të jetë me vranësira të ndryshueshme dhe reshje shiu.

Të enjten priten reshje të rrëmbyeshme dhe më të dendura, të shoqëruara herë pas here me bubullima.

Deri të enjten, në zonat e luginave do të ketë kushte për mjegull të mëngjesit dhe vranësira të ulëta. Ndërkaq, të premten do të fryjë erë e përforcuar nga drejtimi veriperëndimor.

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.