Nisën pagesat për ndihmat sociale dhe shtesat për fëmijë, paratë tashmë në dispozicion

Ministria e Politikës Sociale, Demografisë dhe të Rinjve njoftoi se nga sot, 5 tetor, ka filluar pagesa e të drejtave nga mbrojtja sociale, e fëmijëve dhe civile për muajin shtator.
Përfituesit që posedojnë kartela debitore mund t’i tërheqin mjetet në bankomat ose t’i përdorin për pagesa nëpërmjet kartelave dhe shërbimeve elektronike e mobile të bankave.
Qytetarët që nuk posedojnë kartela bankare mund t’i marrin paratë në sportelet e bankave.
Nga Ministria njoftojnë gjithashtu se po bëhen përgatitjet për pagesën e Shtesës Prindërore, e cila pritet të realizohet në periudhën e ardhshme.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.