Një biletë për gjithë Shkupin, sistemi i integruar pritet vitin e ardhshëm

Qyteti i Shkupit, në bashkëpunim me Ministrinë e Transportit, planifikon të vendosë një biletë të integruar për transportin publik, që do t’u mundësojë qytetarëve të përdorin mjete të ndryshme transporti me një pagesë të vetme.

Kryetari i Shkupit, Orce Gjorgjievski, tha se sistemi pritet të jetë funksional deri në mesin e vitit të ardhshëm.

Sipas tij, qytetarët do të mund të udhëtojnë, për shembull, nga Zelenikova drejt Gjorçe Petrovit duke kombinuar trenin dhe autobusin, pa paguar biletë të re në çdo ndërrim.

Sistemi synon të thjeshtojë udhëtimin dhe të ulë kostot për qytetarët.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.